Itatampok ang mga natatanging Pinoy na gumagawa ng pangalan sa buong mundo
Nakatakda nang ibida ng iWant ang mga natatanging Pilipino na gumagawa ng pangalan sa buong mundo sa bagong limited series na “Gamechangers” na magsisimula nang mapanood ngayong Miyerkules (Marso 25) 8PM sa iWant platform.
Hatid ng 30-minute documentary series ang mga kwento ng mga Pilipino na nagsisikap ibida ang kanilang galing at talino at naghahatid ng inspirasyon sa mas maraming Pilipino.
Tampok ang pole vaulter na si EJ Obiena sa unang episode ng “Gamechangers” kung saan ibinabahagi niya ang kanyang lakbay mula pagkabata hanggang sa maging Asian record holder sa 6.00-meter jump. Kasalukuyang si EJ ang namumuno sa team PH para sa World Athletics Indoor Championship sa Poland.
Tatalakayin ang naging pagsasanay, sakripisyo, at walang humpay na pagkamit ng ambisyon ni EJ sa patnubay ng kanyang ama at mentor na si Emerson Obiena. Higit pa sa mga medalya, layunin ni EJ na magbigay inspirasyon sa susunod na mga Pilipinong pole vaulter, kabilang sina Hokett delos Santos at Alyana Nicolas.
Samantala, abangan ang second episode tampok si Veejay Floresca, kinikilala sa fashion industry dahil sa kanyang adbokasiya at galing. Kamakailan lamang ay nabalita ang kanyang pagkapanalo sa “Project Runway Season 21” at nakapag-debut siya sa New York Fashion Week na mas lalong nag-iwan ng malalim na marka sa kanyang mga yapak sa mundo ng fashion.
Hatid ng Metro Channel ang production ng “Gamechangers: A Limited Series” sa pangunguna ng creators na sina Christina N. Lopez, Lala Ventura, at Giselle Interior kasama and direktor na si Iggy Bilbao, producer na si Stacy Alfonso, at writer na si River Rosal.
Abangan ang “Gamechangers” simula Miyerkules (Marso 25) 8PM, eksklusibo sa iWant.
Sundan ang iWant sa Facebook, TikTok, X, Instagram, at YouTube para sa mga update. Para sa iba pang balita, sundan ang @ABSCBNPR sa social media o bisitahin ang corporate.abs-cbn.com/newsroom.
