Pasok sa shortlist ng Best Documentary ang “Lubog sa Katiwalian” na dokumentaryo ng ABS-CBN News and Current Affairs sa prestihiyosong 2026 New York Festivals TV & Films Awards.
Ang “Lubog sa Katiwalian” ay isang dokumentaryong ginawa ng ABS-CBN News Documentaries noong 2025 patungkol sa mga anomalya at kontrobersiya sa flood control projects sa bansa. Tampok din dito ang iba’t ibang komunidad sa bansa na patuloy na nakakaranas ng pagbaha kahit na mayroon na umanong flood control project na naipatupad ang gobyerno.
And dokumentaryo ay isinulat at dinirekta nina Raphael Bosano, Katrina Domingo, at Andrea Taguines, at edited nina Armand Sol at Alan Cablao, at produced nina Dianne RJ Obdin, Cara Mae Bilangel, Bill Barrinuevo, Jerico Guardiano, JC Gonzales, Chi Almario, Paul Espiritu, Miranda de Quiros, Jess Fenol, at Jeff Canoy. And pananaliksik ay ginawa nina Alyssa Carmina Gonzales, Pauline Mei Hiwatig, Jay-Ar Gallos, Rowena Caronan sa tulong ng ABS-CBN Research and Verification Unit.
Ang mga magwawagi ay iaanunsiyo sa Mayo 22.
Ang New York Festivals TV & Films Awards ay nagbibigay-pugay sa mga huwaran na kwento mula sa buong mundo.
Ang “Lubog sa Katiwalian” ay napapanood sa ABS-CBN News Youtube channel at iWant.
Para sa iba pang updates, sundan ang @abscbnpr sa Facebook, X (Twitter),Instagram, at Tiktok o bisitahin ang https://corporate.abs-cbn.com/newsroom/news-releases.