ABS-CBN, PACE, and Assumption College San Lorenzo will stage Pinoy Media Congress 2026 on April 29–30 at Assumption College San Lorenzo in Makati City, a partnership formalized through a memorandum of agreement signed by ABS-CBN president Carlo Katigbak, chief operating officer Cory Vidanes, head of corporate communications Kane Errol Choa, PACE president Reginald Gonzales, and Assumption College San Lorenzo president Sr. Irene Cecile Torres, r.a., Ph.D.
Sa patuloy na pag-usbong ng social media, streaming, at AI, mahalagang malaman kung paano nakakasabay ang mga aspiring communication at media professionals sa mabilis na pagbabago ng industriya.
Tatalakayin ito ng ABS-CBN, Philippine Association of Communication Educators (PACE), at Assumption College San Lorenzo sa Pinoy Media Congress 2026 na gaganapin sa Abril 29–30 sa Assumption College San Lorenzo sa Makati City.
Nilagdaan nina ABS-CBN president Carlo Katigbak, chief operating officer Cory Vidanes, head of corporate communications Kane Errol Choa, PACE president Reginald Gonzales, at Assumption College San Lorenzo president Sr. Irene Cecile Torres, r.a., Ph.D. ang memorandum of agreement para sa Pinoy Media Congress ngayong taon.
Binansagang pinakamalaking pagtitipon ng mga estudyante ng komunikasyon sa bansa, layunin ng Pinoy Media Congress na magbigay ng oportunidad sa mga mag-aaral na matuto at makipag diskurso sa mga batikang media personality sa industriya.
Kabilang sa mga topic na paguusapan ay digital platforms, radio at TV journalism, content creation, entertainment production, music, movies, advocacy communication, at audience research.
Inilunsad ng ABS-CBN noong 2005, ang Pinoy Media Congress ay nakatanggap ng mga parangal mula sa International Association of Business Communicators Philippines’ Philippine Quill Awards at Public Relations Society of the Philippines’ Anvil Awards.
Para sa mga interesado, magregister sa https://bit.ly/PACEreg. At para sa iba pang mga detalye, bisitahin ang official Facebook pages ng ABS-CBN Pinoy Media Congress at PACE o i-email ang PACE sa secretariat@pace.org.ph.
Para sa iba pang updates, sundan ang @abscbnpr sa Facebook, X (Twitter),Instagram, at Tiktok o bisitahin ang https://corporate.abs-cbn.com/newsroom/news-releases.
