“It’s Showtime” at Vice, wagi!
Patuloy na kinikilala ng akademya ang husay ng ABS-CBN matapos nitong tanggapin ang Excellent and Innovative Media Company na pagkilala, kabilang ang iba pang parangal para sa “It’s Showtime” at kay Vice Ganda, sa kauna-unahang UMak Tagak TV Awards, na iginagawad ng mga estudyante ng University of Makati.
Muling tumanggap ng pagkilala ang Kapamilya network para sa huwarang kontribusyon at inobasyon nito sa industriya ng telebisyon at digital midya, at mga content nitong patuloy na nagbibigay ng impormasyon at inspirasyon sa mga manonood.
Wagi rin ang “It’s Showtime” ng Excellence and Innovation in Interactive Entertainment na pagkilala, habang ang host nitong si Unkabogable Queen Vice Ganda ay pinangalanang Best Host para sa kanyang husay at kahanga-hangang koneksyon sa mga manonood.
Ang UMak Tagak TV Awards, na inorganisa ng mga grade 11 Humanities and Social Sciences (HUMSS) at STEM na estudyante ng University of Makati, sa pangunguna ni assistant professor Virgilio A. Soriano III, ay binibigyang parangal ang mga huwarang programa at personalidad sa bansa.
Para sa iba pang updates, sundan ang @abscbnpr sa Facebook, Twitter, Instagram, at Tiktok o bisitahin ang corporate.abs-cbn.com/newsroom.