Mapapanood ang Part 1 episodes simula Agosto 28 sa iWant
Magbabalik sa pagpapakilig ang tambalang FranSeth nina Francine Diaz at Seth Fedelin para sa kanilang bagong vertical romance serye na “A Cake to Remember,” na mapapanood simula Agosto 28 (Biyernes) sa iWant.
Ang “A Cake to Remember” ay ang pinakabagong Kapamilya project ng tambalan matapos nilang bumida sa 2025 serye na “Sins of the Father.” Kabilang din ang kanilang short romance serye sa lumalagong vertical drama lineup ng iWant, tampok ang “The Chambermaid’s Daughter,” “Twist of Fate,” at “Will You Fake Marry Me?”
Sa direksyon ni Emerald Silvestre, iikot ang short serye kay Mandy (Francine), isang pastry chef na tatanggap ng bigating wedding cake order upang maisalba ang kanyang naluluging bakery. Ngunit laking gulat niya nang malaman na ang magiging groom ng kasalang iyon ay ang dati niyang fiancé na si Landon (Seth), ang mismong nang-iwan sa kanya sa altar.
Lingid kay Mandy, naaksidente si Landon ilang saglit bago ang kanilang kasal, dahilan upang siya ay hindi siputin at mawalan ng mga alaala tungkol sa kanya. Sa kabila nito, pipilitin ni Mandy na matandaan niyang muli ang kanilang pag-iibigan sa pamamagitan ng pagpapatikim ng mga cake na kanilang pinagsaluhan noon.
Mapapanood na sa iWant ang “A Cake to Remember” simula Agosto 28 para sa Part 1 episodes nito, habang aabangan naman sa Setyembre 4 (Biyernes) ang Part 2 nito. Libre ring mapapanood ang unang limang episode nito sa Facebook, TikTok, at YouTube pages ng iWant at ABS-CBN Entertainment.
Eksklusibong mapapanood sa iWant ang lahat ng episode nito sa pamamagitan ng subscription plans na nagsisimula sa P35 kada buwan sa Pilipinas, at USD 4.99 kada buwan sa United States* (*promo price hanggang Oktubre 31, 2026) at iba pang bansa.
I-enjoy at damhin ang iba’t ibang kwentong Pinoy sa iWant, ang tahanan ng pinakamalawak na koleksyon ng Filipino feels. I-download ang app at mag-subscribe sa pamamagitan ng Google Play o Apple App Store.
Para sa updates, sundan ang iWant sa Facebook, TikTok, X, Instagram, at YouTube.
Para sa iba pang balita, i-follow ang @ABSCBNPR sa Facebook, X, Instagram, at TikTok, o bisitahin ang corporate.abs-cbn.com/newsroom.