“FPJ’s Ang Probinsyano,” “TV Patrol,” “It’s Showtime,” paborito ng mga Pilipino

Kinilala ang ABS-CBN sa prehistiyosong Anak TV Awards kung saan nakatanggap ng aabot sa 31 na tropeo ang mga palabas at artista ng Kapamilya network dahil sa pagpapakita nito ng magagandang asal at mga temang angkop sa kabataan.

Umani ng “Anak TV Seal,” na ibinibigay sa mga programang angkop sa bata, ang 17 na palabas ng ABS-CBN at ang mga ibang channel nito.

Kabilang dito ang ang ABS-CBN entertainment shows na “ASAP,” “Bagani,” “Home Sweetie Home,” “Little Big Shots, “Maalaala Mo Kaya,” “Magandang Buhay,” “Matanglawin,” “Team YeY,” “Wansapanataym,” at “Your Face Sounds Familiar Kids.”

Nanalo rin ng “Anak TV Seal” ang collegiate sports at lifestyle program na “Upfront,” na napapanood sa ABS-CBN sports channel na S+A, at ang tatlong educational programs na “Wow,” “MathDali,” at “Agricoolture” na mapapanood naman sa Knowledge Channel.

Binigyan rin ng “Anak TV Seal” ang mga ABS-CBN Regional Program na “Maayong Buntag Kapamilya,” “Magandang Umaga South Central Mindanao,” at “Marhay na Aga Kapamilya.”

Samantala, pinangalanang Makabata Stars at ehemplo sa mga kabataan ang mga Kapamilya artists na sina Robi Domingo, Joshua Garcia, Luis Manzano, Daniel Padilla, Kathryn Bernardo, Susan Roces, Liza Soberano, at “Bantay Bata 163” founder at “G Diaries” host na si Gina Lopez.

Tinataguyod ng Anak TV Awards ang adbokasiyang ipalaganap ang kaalaman sa telebisyon at pagkakaroon nito ng mga programang angkop sa buong pamilya dito sa bansa. Kinilala rin ng Anak TV ang mga Kapamilya program na “FPJ’s Ang Probinsyano,” “It’s Showtime,” “TV Patrol,” “Maalaala Mo Kaya,” “Bagani,” at “Magandang Buhay” bilang paboritong panoorin sa tahanan ng mga pamilyang Pilipino.

Ang Anak TV Seal ay isang national award na base sa mga boto ng mga magulang, mga guro, propesyonal ng industriya, mga miyembro ng gobyerno at NGOs, mga kabilang sa relihiyosong organisasyon, at mga kabataan na ibinibigay sa mga programang ipinapalabas sa Pilipinas na angkop sa mga bata.

Para sa updates, sundan ang @ABSCBNpr sa Facebook, Twitter, at Instagram at pumunta sa abscbnpr.com.