Proud na ibinahagi ng dating “Tawag ng Tanghalan” contestants at power belters na sina Anton Antenorcruz, Raven Heyres, and Saga ang pagiging bahagi ng LGBTQ+ community sa kanilang bagong single na “Say It Clear, Say It Loud” na iprinodyus ng King of Talk na si Boy Abunda.
 
Ito ang ikalawang single mula sa kanilang upcoming mini-album na may parehong titulo, ang kauna-unahang Pride EP na ilalabas sa bansa na binuo ni Tito Boy sa tulong ng Star Music.

 
Para kay Anton, naging daan ang musika para mas tumibay ang samahan nila nina Raven at Saga.
 
“Kayo ang reason ba’t gumagaan ang trabaho natin, marami akong natututunan, at naniniwala ako na we bring out the best in each other,” saad ni Anton sa Instagram post.
 
Nitong Hunyo rin ay inilunsad nila ang unang single ng EP na tinawag na “Bilang” na nagbibigay diin naman sa acceptance at respeto na dapat natatanggap ng LGBTQ+ community.
 
Mula sa kanilang “TNT” journey, patuloy ipinapamalas nina Anton, Raven, at Saga ang kanilang talento sa kani-kaniyang solo careers. Nakapaglabas si Anton ng dalawang single na “Pagbigyang Muli” at “Dating Akin” habang si Raven ay naging viral sensation sa TikTok dahil sa kanyang covers at performances. Samantala, naglunsad naman si Saga ng cover album na “Overture, Vol. 1” na umani na ng 4 milyong streams sa Spotify.
 
Makiisa sa selebrasyon ng Pride at pakinggan ang bagong single na “Say It Clear, Say It Loud” nina Anton, Raven, at Saga na available sa iba’t ibang streaming platforms. Para sa karagdagang detalye, sundan ang Star Music sa Facebook, X (Twitter), Instagram, TikTok, at YouTube.

Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang www.abs-cbn.com/newsroom.