Kathryn, Alden, Joshua, Julia, Vice Ganda, atbp. pinangalanang Box Office Heroes
Nasungkit ng phenomenal hit na “Hello, Love, Again” nina Kathryn Bernardo at Alden Richards ang walong nominasyon sa 8th Entertainment Editors’ Choice Awards (The Eddys), kasama ang Best Picture category.
Nominado ang highest grossing Filipino film of all time sa Best Director para kay Cathy Garcia-Sampana, Best Actor para kay Alden Richards, Best Supporting Actor para kay Joross Gamboa, Best Screenplay, Best Editing, at Best Production Design.
Kasama pa sa nakuhang nominasyon ng film collaboration ng Star Cinema at GMA Pictures ang Best Musical Score, kung saan nominado rin ang “And the Breadwinner Is…” at “Un/Happy for You.”
Bukod sa mga nominasyon, pinangalanan rin ng The Eddys sina Kathryn at Alden bilang Box Office Heroes dahil sa makasaysayang tagumpay ng “Hello, Love, Again” na may P1.6 billion worldwide gross.
Kabilang din sa Box Office Heroes honorees si Vice Ganda para sa “And the Breadwinner Is…” na nagtala ng P460 million sa takilya. Nominado rin sa Best Actor category si Vice Ganda para sa kanyang natatanging pagganap sa nasabing pelikula.
Bahagi rin ng Box Office Heroes roster sina Joshua Garcia at Julia Barretto dahil sa box office success ng “Un/Happy For You” na kumita ng P450 million sa mga sinehan.
Gaganapin ang awards ceremony ng The Eddys sa Hunyo 20 sa Marriott Grand Ballroom sa Pasay City. Magkakaroon naman ito ng delayed telecast sa Hulyo 27 sa Kapamilya Channel and Jeepney TV at mapapanood sa iWant ng international viewers simula Hunyo 27.
Isang annual awards ceremony ang The Eddys na binuo ng Society of Philippine Entertainment Editors (SPEEd). Para sa karagdagang impormasyon, sundan ang The Eddys sa Facebook sa The Eddys (The Entertainment Editors’ Choice).
For updates, follow @abscbnpr on Facebook, X (Twitter), Instagram, TikTok, or visit corporate.abs-cbn.com/newsroom.