Michael Delizo, waging Best Field Reporter
Muling kinilala ang ABS-CBN News para sa mga development-oriented nitong programa sa Gandingan Awards 2026, kung saan nagwagi rin si senior reporter Michael Delizo.
Pinangalanang Best Field Reporter si Michael Delizo para sa kanyang makabuluhang pagbabalita ng mga isyung sekuridad, polisya, at militar sa siyudad.
Pinarangalan din ang ilang programa ng ABS-CBN News kabilang ang “Tao Po” na ginawaran bilang Most Development-Oriented Magazine Program at ang “My Puhunan: Kaya Mo!” na itinanghal bilang Most Development-Oriented Livelihood Program.
Ang digital feature naman ng NXT na “Reshaping the Future of Farming Through Renewable Energy” ay nagkamit ng parangal na Most Development-Oriented Online Video.
Ang Gandingan Awards ng University of the Philippines Community Broadcasters’ Society ay nagbibigay pagkilala sa mga bukod-tanging personalidad, organisasyon, kumpanya, eskwelahan, at programa sa bansa.
Para sa iba pang updates, sundan ang @abscbnpr sa Facebook, X (Twitter),Instagram, at Tiktok o bisitahin ang corporate.abs-cbn.com/newsroom/news-releases.