Dalawang magkasalungat na pananaw ng mga taong nagmamahalan ang pagtatagpuin sa “Sagutan,” ang pinakabagong online show ng ABS-CBN na mapapanood ngayong gabi (Hunyo 3), 7PM sa OKS.abs-cbn.com.
Sa una nitong episode, tunghayan ang Star Hunt artist na si Kiara Takahashi at theater actor na si Ian Pangilinan sa “Hanggang Dito Na Lang Ba?,” isang kwento ng magkasintahang nangangambang naabot na nga ba nila ang dulo ng kanilang pagmamahalan.
Mapapanood naman ang Star Hunt artists na sina Angela Tungol at Lance Carr sa pangalawang episode na “Kapit Bitaw” ngayong June 10 (Miyerkules) na tungkol naman sa magkasintahang hindi alam kung ipaglalaban pa o isususko na lang ang kanilang relasyon.
Bago umere ang bawat episode, matutunghayan naman ang “Sagutan LIVE With Feelings” kung saan pag-uusapan ang magkaibang panig ng kwento at magbibigay ng pagkakataon sa fans na ibahagi ang kanilang saloobin tungkol dito. Mapapanood ito tuwing Miyerkules, 5 PM sa Star Hunt Facebook account (facebook.com/starhuntabscbn).
Kabilang ang “Sagutan” sa OKS (Online Kapamilya Shows) ng ABS-CBN.
Samantala, kaabang-abang rin ang tipid tips sa “Tipid Nation” dahil makakasama na si “Miss Tipid” Karina Bautista sa bagong episode ng online show simula Hunyo 8 (Lunes). Para naman sa mga naghahanap o gusto ibahagi ang kanilang tipid tips, maaari silang sumali sa official Facebook group nito na “TIPID NATION (Tipid + Diskarte Tips)” at kilalanin pa ang ibang taong naghahangad din na matuto ng pamamaraan sa pagtitipid.
Para sa karagdagang impormasyon, pumunta lang sa abs-cbn.com at i-follow ang ABS-CBN PR sa Facebook (fb.com/abscbnpr), Twitter (@abscbnpr), at Instagram (@abscbnpr).